کراچی کے علاقے بلوچ کالونی پل کے قریب گارڈ کی فائرنگ سے ایک ڈاکو ہلاک دوسرا فرار ہوگیا۔

شاہراہ فیصل بلوچ پل کے قریب لوٹ مار کے بعد ڈاکوؤں کے فرار کی کوشش بہادر سیکیورٹی گارڈ نے ناکام بنادی۔

واقعے کی سی سی ٹی وی فوٹیج میں شہری سے لوٹ مار کے بعد فرار ہوتے ملزمان کو دیکھا جا سکتا ہے۔ اس ہی دوران منی ایکسچینج کمپنی کے باہر تعینات سیکیورٹی گارڈ سڑک کے بیچ آیا اور ڈاکوؤں پر فائرنگ شروع کردی۔

فرار ہوتے ملزمان اور سیکیورٹی گارڈ انتہائی قریب سے ایک دوسرے پر گولیاں برساتے رہے۔ سیکیورٹی گارڈ کی فائرنگ سے حماد نامی ڈاکو مارا گیا جبکہ ساتھی فرار ہوگیا۔

پولیس نے ملزم کے قبضے سے برآمد اسلحہ تحویل میں لے لیا۔