نئے ایڈمنسٹریٹر کراچی ڈاکٹر سیف الرحمان کی ہدایت پر ڈائریکٹر چارجڈ پارکنگ کی یونیورسٹی روڈ پر غیرقانونی چارجڈ پارکنگ کیخلاف کارروائی کرتے ہوئے ملوث افراد کو پی آئی بی پولیس کے حوالے کردیا۔
اس حوالے سے ایڈمنسٹریٹر کراچی کا کہنا ہے کہ غیرقانونی چارجڈ پارکنگ میں ملوث افراد کے ایم سی کو بدنام کر رہے تھے، تھانہ نیو ٹاؤن میں غیرقانونی چارجڈ پارکنگ کیخلاف درخواست جمع کرائی گئی تھی۔
انہوں نے کہا کہ نان آکشن جگہوں پر پارکنگ فیس کی وصولی بند کی ہے، خود ساختہ پارکنگ فیس وصول کی جارہی تھی۔
ان کا کہنا تھا کہ جو پارکنگ سائٹس بند ہیں، وہاں پارکنگ فیس کی اجازت نہیں۔
