کراچی کے علاقے گولیمار میں رینجرزنے کارروائی کرکے سو سے زائد ڈکیتی اور اسٹریٹ کرائم کی وارداتوں میں ملوث ملزم کو گرفتارکرلیا ہے۔

ترجمان کے مطابق اسٹریٹ کرائم اور ڈکیتی میں ملوث ملزم محمد کاشف کو گرفتار کر کے ڈکیتی میں استعمال ہونے والا پستول بھی برآمد کرلیا۔

ترجمان نے بتایا کہ ملزم نے دوران تفتیش 100 سے زائد وارداتوں کا اعتراف کیا ہے، ملزم متعدد بار گرفتار ہوکر جیل جا چکا ہے۔

ملزم کے دیگر ساتھیوں کی گرفتاری کیلئے چھاپے جاری ہیں۔