پاکستان کی پہلی خاتون وزیراعظم شہید بے نظیربھٹوکی 15 ویں برسی کی تیاریاں آخری مراحل میں داخل ہوگئیں اور سیکیورٹی کے لئے 8 ہزار سے زائد اہلکار تعینات کیے جائیں گے۔

برسی کے موقع پر گڑھی خدا بخش بھٹومیں پیپلزپارٹی نے جلسے کا پنڈال تیارکرلیا ہے جبکہ گڑھی خدابخش بھٹو، نوڈیرو اور لاڑکانہ میں استقبالیہ کیمپس قائم کردیئے گئے ہیں۔

جلسہ عام کے اطراف میں واک تھروگیٹس اور سی سی ٹی وی کیمرے نصب کردیئے ہیں اور سیکیورٹی کے لئے 8 ہزار سے زائد اہلکار فرائض سرانجام دیں گے۔