کراچی: پولیس نے اے ٹی ایم سے شہری کو لوٹنے کی کوشش ناکام بنادی
پریڈی پولیس نے بروقت کاروائی کرتے ہوئے اے ٹی ایم سے شہری کو لوٹنے کی کوشش ناکام بنا کرملزم کو گرفتار کرلیا۔
ایس ایس پی ساؤتھ اسد رضا کے مطابق کراچی صدر کے بوہری بازار میں واقع اے ٹی ایم سے ایک شہری رقم نکالنے کے لئے داخل ہوا تھا کہ ملزم بھی ساتھ ہی داخل ہوگیا اور اندر سے دروازہ لاک کر دیا تھا۔
اسی دوران گشت پر مامور پولیس موبائل کو ملزم کی مذکورہ واردات کی اطلاع ملی اور فوری موقع پر پہنچ کر ملزم کو گرفتار کرلیا جس کے کے قبضے سے 1 عدد نائن ایم ایم پستول بمع روند، 6 عدد چھینے ہوئے موبائل فون، رقم اور اے ٹی ایم کارڈ برآمد کیے۔
پولیس کے مطابق ملزم کی شناخت محمد علی کے نام سے ہوئی جبکہ ملزم نشے کا عادی ہے جس سے ملنے والے 5 موبائل فون اس نے مختلف شہریوں سے چھینے تھے۔
ایس ایس پی ساؤتھ کا کہنا ہے کہ گرفتارملزم کے خلاف مقدمات درج کرلیے گئے ہیں جبکہ ملزم کے سابقہ کریمنل ریکارڈ کی چیکنگ اور مزید تفتیش کا عمل جاری ہے۔