آرمی چیف جنرل سید عاصم منیر نے سعودی وزارت دفاع کا دورہ کیا ہے جہاں انہیں گارڈ آف آنر پیش کیا گیا۔

سعودی دارالحکومت ریاض میں آرمی چیف جنرل سید عاصم منیر نے دورے کے دوسرے روز سعودی وزارت دفاع کا دورہ کیا، جہاں ان کا استقبال سعودی افواج کے چیف آف سٹاف لیفٹیننٹ جنرل فیاض الرویلی نے کیا اور سعودی فوج کے دستے نے آرمی چیف جنرل عاصم منیر کو گارڈ آف آنر پیش کیا۔

آرمی چیف سید عاصم منیر اور سعودی چیف آف سٹاف فیاض الرویلی کے درمیان ملاقات میں پاک سعودی دفاعی اور فوجی تعاون کا جائزہ لیا گیا اور مشترکہ امور پر بھی تبادلہ خیال کیا گیا۔