اٹک میں قرض معاف کرانے کے لئے بیوی کو مردہ قرار دینے والے شوہر کو پولیس نے گرفتار کرلیا ہے۔

پولیس کے مطابق ملزم نے بیوی کے نام پر بینک سے 35 ہزار قرض لیا تھا اور قرض معاف کرانے کیلئے بیوی کا جعلی ڈیتھ سرٹیفکیٹ پیش کیا۔

پولیس کا کہنا ہے کہ یونین کونسل نے تصدیق کرنے پر ڈیتھ سرٹیفکیٹ کو جعلی قراردیتے ہوئے ملزم دلشاد کے خلاف ناقابل ضمانت جرم میں مقدمہ درج کرادیا۔

پولیس نے ملزم کو گرفتارکیا تو شوہرکے کارنامے سن کر بیوی بھی حیران ہوگئی۔