کراچی میں لیاری ایکسپریس وے پل کےنیچے ڈکیتی مزاحمت پرشہری کے جلانے کے معاملے پرابتدائی تحقیقات میں انکشاف ہوا ہے جھلسنے والا شخص نشے کا عادی ہے۔

پولیس کے مطابق واقعہ ڈکیتی مزاحمت پرنہیں بلکہ نشئی دوستوں کےدرمیان تلخ کلامی پرپیش آیا۔

ابتدائی تحقیقات کے مطابق نشےکے عادی شخص کو تلخ کلامی کے بعد ساتھ بیٹھے دوستوں نے آگ لگائی اورموقع سے فرارہوگئے۔

اس سے قبل سامنے آنے والی اطلاعات میں کہا جارہا تھا کہ لیاری ایکسپریس وے پرڈکیتی کےدوران مزاحمت کرنے والے شخص کو ڈاکوؤں نے جلادیا۔

جھلسنے والے شخص کی شناخت 35 سالہ شہزاد کے نام سے ہوئی جس کے اہلخانہ نے بھی تصدیق کی ہے کہ وہ نشے کا عادی ہے جس کے باعث ہم نے اس سے لاتعلقی اختیار کررکھی تھی۔

شہزاد کا علاج سول اسپتال کے برنس وارڈ میں جاری ہے۔