کراچی میں اندھی گولی لگنے سے ایک معصوم بچی جان کی بازی ہار گئی۔
پولیس اہکار کی 7 سالہ بچی سر میں گولی لگنے سے جاں بحق ہوئی، ملیر رند گوٹھ میں فلیٹ کی چھت پر بچی کو سر میں گولی لگی تھی، طیبہ دو روز جناح اسپتال میں زیر علاج رہ کر زخموں کی تاب نہ لاتے ہوئے انتقال کر گئی۔
متاثرہ بچی کے اہل خانہ کے مطابق طیبہ پہلی جماعت کی طالب علم اور چار بہن بھائیوں میں دوسرےنمبر پر تھی، واقعہ 31 جنوری کی دوپہر پیش آیا تھا جس کا مقدمہ والد کی مدعیت میں درج کرلیا گیا ہے۔
