کراچی میں پولیس اورحساس ادارے نے لیاری گینگ وار کے دہشت گردوں کے خلاف آپریشن کرتے ہوئے زاہد لاڈلا گروپ کے تین کارندوں کو مقابلے کے بعد زخمی حالت میں گرفتار کرلیا۔

پولیس حکام کے مطابق گرفتار ملزمان کو لیاری میں پولیس انفارمرز کو ٹارگٹ کرنے کا ٹاسک گینگ وارگروہ کے سرغنہ زاہد لاڈلا نے دیا تھا۔

پولیس نے بتایا کہ ملزمان چند روز قبل لیاری میں ایک شخص کو فائرنگ کرکے قتل کرچکے ہیں، جبکہ گرفتارملزمان اس سے قبل بھی بھتہ خوری میں ملوث رہے ہیں۔

پولیس نے ملزمان کے دیگرساتھیوں کی تلاش شروع کردی ہے۔