کراچی میں سپرہائی وے جمالی پل کے قریب مبینہ طور پر پولیس افسر کی گاڑی کی ٹکر سے سڑک پارکرنے والا بچہ جاں بحق ، خاتون سمیت 2 بچے زخمی ہوگئے۔

عینی شاہدین کا کہنا ہے کہ متاثرہ فیملی پولیس افسر کی گاڑی کے نیچے کچلی گئی، عوام کو جمع ہوتے دیکھ کرڈرائیورگاڑی بھگا لے گیا۔

انہوں نے مزید بتایا کہ تیزرفتار گاڑی کی ٹکرلگتے ہی خاتون اور بچے دور جا گرے، گاڑی میں خاتون بیٹھی تھی جسے ڈرائیور چلا رہا تھا۔

عینی شاہدنے مزید بتایا کہ خاتون کا کہنا تھا کہ وہ پولیس کی فیملی سے ہیں۔