مظفرگڑھ: اینٹی کرپشن نے سابق مشیر زراعت پنجاب عبدالحئی دستی کے گھر پر چھاپہ مارا ہے۔

ڈائریکٹر جنرل (ڈی جی) اینٹی کرپشن سہیل ظفر چٹھہ کی ہدایت پر عبدالحئی دستی کے گھر پر چھاپہ مارا گیا جس دوران دو تجوریوں سے ملکی و غیر ملکی کرنسی برآمد ہوئی۔

اینٹی کرپشن حکام کے مطابق دونوں تجوریوں سے 12 کروڑ روپے سے زائد کی رقم بر آمد ہوئی جسے گننے میں ٹیم کو کئی گھنٹے لگ گئے، رقم ترقیاتی منصوبوں کے لئے کمیشن کی مد میں وصول کی گئی۔

حکام کا کہنا ہے کہ اینٹی کرپشن نے عدالت سے سرچ وارنٹ لینے کے بعد خفیہ اطلاع پر چھاپہ مارا جب کہ ملوث افراد کی گرفتاری کے لئے ٹیمیں تشکیل دے دی گئی ہیں۔