عورت مارچ کے حق میں درخواست کی سماعت سے جج کی معذرت
درخواست کسی اور بینچ کے پاس لگانے کیلئے فائل چیف جسٹس کو بھجوادی
لاہور ہائیکورٹ کے جسٹس مزمل اختر شبیر نے عورت مارچ کی اجازت نہ دینے کے خلاف درخواست پر سماعت سے معذرت کرلی
لاہور ہائیکورٹ میں عورت مارچ کی اجازت نہ دینے کے خلاف درخواست پر سماعت ہوئی، جسٹس مزمل اختر شبیر نے درخواست پر سماعت سے معذرت کرلی۔
جج کی جانب سے درخواست کسی اور بینچ کے پاس لگانے کے لئے فائل چیف جسٹس لاہور ہائیکورٹ کو بھجوادی گئی۔
عدالت عالیہ میں درخواست عورت مارچ منتظمین کی جانب سے دائر کی گئی تھی۔
درخواست گزاروں کی جانب سے ہائیکورٹ بار کی سیکرٹری صباحت رضوی پیش ہوئیں۔
درخواست گزار نے مؤقف اپنایا کہ عورت مارچ کی اجازت نہیں دی جا رہی، احتجاج کرنا تمام شہریوں کا آئینی حق ہے۔
درخواست میں استدعا کی گئی کہ عدالت عورت مارچ اور تحفظ فراہم کرنے کا حکم دے۔
Read Comments