توڑ پھوڑ اور پولیس گاڑی پر حملہ کیس: پی ٹی آئی رہنما کی عبوری ضمانت منظور
عدالت نے پولیس کو زبیر خان نیازی کی گرفتاری سے روک دیا
لاہور کی انسداد دہشت گردی عدالت نے توڑ پھوڑ اور پولیس گاڑی پر حملے کے کیس میں پی ٹی آئی رہنما زبیر خان نیازی کی عبوری ضمانت میں 15 مارچ تک توسیع کردی۔
انسداد دہشت گردی عدالت کی ایڈمن جج عبہر گل خان نے پی ٹی آئی کی جیل بھرو تحریک کے دوران توڑ پھوڑ اور پولیس گاڑی پر حملے کے معاملے پر پی ٹی آئی رہنما زبیر خان نیازی کی قبل از گرفتاری کی درخواست ضمانت پر سماعت کی۔
عدالت نے زبیر خان نیازی کی عبوری ضمانت میں 15 مارچ تک توسیع کردی۔
انسداد دہشت گردی عدالت نے آئندہ سماعت پر پولیس سے تفتیشی رپورٹ طلب کرتے ہوئے زبیر خان نیازی کی گرفتاری سے روک دیا۔
Read Comments