ملک بھر میں ڈیجیٹل مردم شماری جاری ہے تاہم مردم شماری کے فارم میں غلطی کا انکشاف ہوا ہے۔

ملک میں ساتویں مردم و خانہ شماری کا عمل بیس فروری سے شروع ہوا اور 30 اپریل تک مردم شماری کے تمام مراحل مکمل کر لیے جائیں گے۔

ڈیجیٹل مردم شماری کے فارم میں یہ غلطی سامنے آئی ہے کہ ایپ میں دوہند سے سے زیادہ کی عمر درج کرنے کا آپشن نہیں۔ جس کی وجہ سے 99 سال سے زائد عمر کے افراد کی انٹری نہیں ہوسکتی۔

مردم شماری کا عملہ لاڑکانہ سے تعلق رکھنے والے 106 برس کے دادن خان کا ڈیٹا اپ لوڈ نہ کرسکا کیونکہ ایپ میں دو ہند سے سے زیادہ کی عمر درج کرنے کا خانہ ہی نہیں ہے۔

آج نیوز نے دادن خان کے شناختی کارڈ کی کاپی حاصل کرلی ہے، جس کے مطابق دادن خان 1917 میں پیدا ہوئے۔