زمان پارک میں ہنگامہ آرائی معاملے میں انسداد دہشت گردی عدالت لاہور نے گرفتار 98 پی ٹی آئی کارکنان کو 14 روزہ جوڈیشل ریمانڈ پر جیل بھجوا دیا۔

لاہور کی اے ٹی سی میں زمان پارک میں ہنگامہ آرائی کے خلاف کیس کی سماعت ہوئی، اس ضمن میں عدالت کے باہر سکیورٹی کے سخت انتظامات کیئے گئے اور پولیس کی اضافی نفری تعینات کی گئی۔

Click to see more

عدالت نے 98 پی ٹی آئی کارکنوں کا 14 روزہ جوڈیشل ریمانڈ منظور کرتے ہوئے ملزمان کو شناخت پریڈ کے لئے جیل بھیج دیا۔

واضح رہے کہ گزشتہ دنوں سابق وزیراعظم اور چیئرمین پی ٹی آئی عمران خان کی رہائشگاہ زمان پارک میں ہنگامہ آرائی کرنے پر 98 کارکنوں کے خلاف تھانہ ریس کورس میں مقدمہ درج کیا تھا۔