سستے اور مفت آٹے کا حصول غریب شہریوں کی زندگی چھیننے لگا، نواحی علاقے نوتک میں مفت آٹا لینے کے لیے آنے والا شخص لائن میں لگے لگے زندگی کی بازی ہار گیا۔
حکومت پنجاب کی مفت آٹا اسکیم غریب شہریوں کی زندگیاں چھیننے لگی ہے، بھکر کے نواحی علاقے نوتک میں 50 سالہ الہی بخش آٹے کی لائن لگا، لیکن دل کا دورہ پڑنے سے زندگی کی بازی ہار گیا۔
بیٹے کا کہنا ہے کہ 3 دن سے آٹا لینے آرہے تھے، آٹا تو نہیں ملا لیکن باپ کی میت لے کر جارہے ہیں۔
واقعہ کی اطلاع ملتے ہی پولیس اور ضلعی انتظامیہ موقع پر پہنچ گئی۔
