وزیر توانائی سندھ امتیاز شیخ نے پاکستان پیپلز پارٹی کے شریک چئیرمین آصف علی زرداری سے ملاقات کی اور انہیں عید کی مبارکباد دی۔
آصف زرداری اور امتیاز شیخ کی ملاقات میں ملکی سیاست اور دیگر امور پر تبادلہ خیال کیا گیا۔
آصف زرداری نے ہدایت کی کہ سندھ سے غربت ، بیروزگاری اور معاشی بدحالی کا خاتمہ کیا جائے۔
انہوں نے کہا کہ بلاول بھٹو کی قیادت میں ملک کو فلاحی ریاست بناٸیں گے، کوشش کریں کہ سندھ کے ہر گھر میں سولر سسٹم لگوایا جائے، تاکہ عوام کو مہنگے بجلی کے بلوں سے نجات مل سکے۔
