اسلام آباد کی نجی ہاوسنگ سوسائٹی میں ڈاکو کی فائرنگ سے گیٹ پر کھڑا سیکیورٹی گارڈ جاں بحق ہوگیا، فائرنگ کی ویڈیو منظرعام پرآگئی ہے۔

حملہ آورکی جانب ایک گولی فائرکی جاتی جس کے لگتے ہی سیکیورٹی گارڈ گر جاتا ہے۔ سیکیورٹی گارڈ کی شناخت نذر حسین کے نام سے ہوئی ہے۔

زخمی گارڈ کو اسپتال منتقل کیا گیا مگر وہ جان کی بازی ہارگیا جبکہ فائرنگ کرنے کے بعد ملزم موقع سے فرار ہوگیا۔

حملہ آور کی شناخت اسماعیل کے نام سے ہوئی ہے تاہم راولپنڈی اور اسلام آباد پولیس میں حدود کے تنازعے کی وجہ سے کارروائی تاحال تاخیر کا شکار ہے۔