اسلام آباد اور راولپنڈی کی پی ٹی آئی کی مقامی قیادت کا خفیہ مقام پر اجلاس ہوا ہے جس میں بغیر لیڈی پولیس کے داخل ہونے پر اسلام آباد ہائیکورٹ سے رجوع کا فیصلہ کیا گیا ہے۔

ذرائع کے مطابق اجلاس میں پولیس کی جانب سے بغیر لیڈی پولیس کے کارکنان کے گھروں میں ریڈ کے معاملہ پر مشاورت کی گئی، اور اسلام آباد پولیس کی جانب سے چادر اور چار دیواری کا تقدس پامال کرنے پر لائحہ عمل مرتب کیا گیا۔

ذرائع کے مطابق اجلاس میں بتایا گیا کہ اسلام آباد پولیس کی جانب سے گھروں پر چھاپے کی فوٹیج جمع کرلی گئی ہے، اور تمام ثبوتوں کو عدالت میں پیش کیا جائے گا۔

ذرائع کا کہنا ہے کہ اعلیٰ قیادت سے مشاورت کے بعد وکلاء کو گرین سگنل دیا جائے گا۔