موٹر وے ایم ٹو پر تیز رفتار کار کھائی میں گرنے سے 5 افراد جاں بحق ہوگئے۔
حافظ آباد میں موٹر وے ایم ٹو پر تیزرفتار کار کھائی میں جاگری، جس کے نتیجے میں کار میں سوار تمام 5 افراد جاں بحق ہوگئے۔
واقعے کی اطلاع ملتے ہی موٹروے پولیس اور ریسکیو کی ٹیمیں جائے حادثہ پر پہنچ گئیں، تاہم کار میں آگ لگنے سے کار میں سوار پانچ افراد جھلس کر جاں بحق ہو چکے تھے، ریسکیو اور موٹر وے پولیس نے موقع پر پہنچ کر آگ پر قابو پایا تاہم جاں بحق ہونے والوں کی شناخت نہیں ہو سکی۔
ریسکیو حکام کے مطابق حادثے کے شکار کار سوار افراد لاہور جا رہے تھے، کہ تیز رفتاری کے باعث موت کے منہ میں چلے گئے، لاشوں کو تحصیل ہسپتال پنڈی بھٹیاں منتقل کر دیا گیا ہے۔
