پاکستان تحریک انصاف کی سابق ایم پی اے ثانیہ کامران نے پیپلزپارٹی میں شمولیت اختیار کرلی۔

لاہور میں پریس کانفرنس کرتے ہوئے وسطی پنجاب سے پیپلز پارٹی کے جنرل سیکرٹری حسن مرتضی نے ثانیہ کامران کو پارٹی میں خوش آمدید کہا اور بولے کہ نظریاتی لوگوں کو پارٹی میں شامل کرکے اپنی کھوئی ہوئی حیثیت بحال کرنا چاہتے ہیں، پیپلزپارٹی صرف ان سیاسی رہنماؤں کو پارٹی میں شامل کر رہی ہے جن کا پیپلزپارٹی کے نظریات سے تعلق ہے۔

ثانیہ کامران نے کہا کہ ریڈ لائن پاکستان ہے کوئی سیاسی شخصیت نہیں ہوسکتی، اچھے برے وقت سیاسی جماعتوں پر آتے رہتے ہیں، اگر غلطی ہوجائے تو معافی مانگ لینے سے کوئی سیاست سے مائنس نہیں ہوتا۔

حسن مرتضی کا کہنا تھا پیپلز پارٹی خواتین کی عزت کرنا جانتی ہیں، ثانیہ کامران کی عزت اور مقام کو ضرور ملحوظ خاطر رکھا جائے گا۔