صحت سہولت کارڈ کے استعمال میں مبینہ گھپلے سامنے آنے پرپنجاب حکومت نے پرائیوٹ اسپتالوں کا کلینکل آڈٹ کرانے کا فیصلہ کر لیا۔

صحت سہولت کارڈ کے استعمال میں مبینہ گھپلوں کی خبروں پر نگراں پنجاب حکومت نے نجی اسپتالوں کا کلینکل آڈٹ کرانے کا فیصلہ کیا ہے، آڈٹ میں سامنے آئے گا کہ کس نے قومی خزانے، سرکاری انشورنس کمپنی کو نقصان پہنچایا۔

ذرائع کا کہنا ہے کہ صحت سہولت کارڈ کے پینل پر موجود تمام پرائیوٹ اسپتالوں کا کلینکل آڈٹ ہو گا، نجی اسپتالوں کا آڈٹ پنجاب ہیلتھ کیئرکمیشن کے ذریعے کروایا جائے گا۔

ذرائع نے بتایا کہ بڑی تعداد میں سی سیکشن، اینجو گرافی، اینجو پلاسٹی کرنے والے اسپتالوں کاخصوصی آڈٹ ہوگا، مریض کے بغیر صحت سہولت کارڈ سے رقم کلیم کرنے والے اسپتالوں کا بھی آڈٹ ہوگا۔

ذرائع کے مطابق آڈٹ میں تعین ہوگا کہ بغیرمریضوں کے کتنے اسپتالوں نے کتنی رقم بنائی، اوربلا ضرورت مختلف آپریشن کرنے والے اسپتالوں کا سراغ لگایا جائے گا۔