کوٹ نیناں کے گاؤں جھن مان سنگھ کے 50 سے زائد افراد سیلابی ریلہ میں پھنس گئے۔

شکرگڑھ میں کوٹ نیناں کے گاؤں جھن مان سنگھ سے تعلق رکھنے والے 50 سے زائد افراد سیلابی ریلے میں پھنس گئے ہیں، جو کسی مدد کے منتظر ہیں۔

خواتین اور بچوں سمیت یہ افراد دھان کی کاشت کے لیے دریائے راوی کے پار گئے تھے، تاہم واپسی پر ریلے میں پھنس گئے ہیں، متاثرین کی مدد کے لئے تاحال کوئی ریسکیو آپریشن شروع نہیں کیا گیا۔

سیلاب میں پھنسے افراد نے ویڈیو جاری کی ہے جس میں ان کا کہنا ہے کہ ہم فصل کی کٹائی کے لئے اپنے کھیتوں میں موجود تھے کہ اچانک سیلابی ریلے نے ہمیں چاروں طرف سے گھیر لیا، ہمارے ساتھ بچے اور خواتین بھی ہیں، ہماری مدد کی جائے۔