موسم کی خرابی کے باعث ٹرینوں کی آمدورفت تاخیر کا شکار ہے، لاہور اور فیصل آباد سے کراچی آنے والی ٹرینیں لیٹ روانہ ہوں گی۔

ترجمان ریلوے کے مطابق قراقرم ایکسپریس لاہور سے کراچی کیلئے شام 6 بج کر 30 منٹ پر روانہ ہوگی، اسی طرح بزنس ایکسپریس لاہور سے کراچی کیلئے شام 6 بج کر 20 منٹ پر روانہ ہوگی۔

کراچی ایکسپریس لاہور سے کراچی کیلئے شام 5 بج کر 30 منٹ پر روانہ ہوگی، ملت ایکسپریس فیصل آباد سے کراچی کیلئے 5 بج کر 30 منٹ پر روانہ ہوگی۔

ترجمان کا کہنا ہے کہ باقی ٹرینیں اپنے مقررہ اوقات کے مطابق رواں دواں ہیں۔