استحکام پاکستان پارٹی (آئی پی پی) میں سیاسی شخصیات کی شمولیت کی سست روی پر پارٹی سربراہ جہانگیرترین نالاں ہیں۔ اس حوالے سے انھوں نے آج پارٹی اجلاس طلب کر لیا۔
ذرائع کے مطابق آئی پی پی میں سیاسی شخصیات کی شمولیت سست روی کا شکار ہے۔ جس پر جہانگیر ترین نے لاہور میں پارٹی اجلاس طلب کر لیا ہے۔
اہم بیٹھک میں پارٹی صدر علیم خان، فردوس عاشق اعوان سمیت اہم سیاسی شخصیات شرکت کریں گی۔
استحکام پاکستان پارٹی کے اجلاس میں الیکشن مہم کے حوالے سے بھی اہم مشاورت کی جائے گی۔
دوسری جانب ذرائع کا کہنا ہے کہ جنوبی اور وسطی پنجاب سے سیاسی لوگوں کے پارٹی میں شمولیت کرنے کا بھی امکان ہے۔
