ورلڈ جونیئراسکواش چیمپئن حمزہ خان کے پشاور میں اپنے آبائی علاقے میں واپسی پر لوگ خوشی سے جھوم اٹھے ، علاقہ مکینوں نے ڈھول کی تھاپ پر رقص کیا۔
پوری دنیا میں پاکستان کا نام روشن کرنے والے ورلڈ جونیئر اسکواش چیمپئن حمزہ خان اپنے آبائی گھر نوے کلے پہنچے، حمزہ خان کی واپسی پر اُنکا پُرتپاک استقبال کیا گیا۔
علاقہ مکینوں نے حمزہ خان پر پھول نچھاور کیے اور ڈھول کی تھاپ پر رقص کرتے رہے۔
حمزہ خان نے میڈیا سے گفتگو کرتے ہوئے کہا کہ ورلڈ جونیئراسکواش چیمپئن کا ٹائٹل جیتنےکے بہت محنت کی تھی، قوم اور والدین کی دعاؤں سے کامیابی ملی۔
ورلڈ جونیئر اسکواش کا ٹائٹل جیتنے پر حمزہ خان نے اسکواش فیڈریشن اور ائیرفورس چیف کا خصوصی شکریہ ادا کیا۔
