جہلم: منگلا کے نواحی علاقے سے اغوا ہونے والی طالبات کو پولیس نے بازیاب کروا لیا۔
پولیس کے مطابق منگلا کے علاقے آڑ ابڈھار سے اغواء ہونے والی طالبات کو بازیاب کروا کر تین ملزمان کو گرفتار کرلیا جن کے قبضے سے اسلحہ اور گاڑی برآمد ہوئی ہے۔
پولیس کا کہنا ہے کہ بازیاب ہونے والی لڑکیاں فرسٹ اور تھرڈ ائیر کی طالبات ہیں جنہیں ملزمان نے رنجش کی بنا پرگھرمیں گھس کر اغواء کیا تھا۔
پولیس نے بتایا کہ ملزمان نے دو دن مغوی لڑکیوں کو خالی مکان میں حبس بے جا میں رکھا تھا۔
