لاہورمیں وحدت کالونی پولیس نے کارروائی کرتے ہوئے خاتون سے نازیبا حرکات کرنے والے ملزم کو گرفتار کر لیا۔
پولیس کے مطابق دو روز قبل خاتون اپنے بچوں کو اسکول سے واپس لے کرآرہی تھی کہ ملزم سکندر نے خاتون کو زبردستی پکڑا اور نازیبا حرکات کیں۔
خاتون نے ملزم کے خلاف درخواست وحدت کالونی تھانے میں جمع کرائی تھی۔
ایس ایچ او افضال رؤف اور پولیس ٹیم نے ملزم کو گرفتار کرکے مقدمہ درج کرلیا ہے۔
ایس پی اقبال ٹاؤن محمد عثمان ٹیپو کا کہنا ہے کہ خواتین کو ہراساں و زیادتی کرنے والے کسی رعایت کے مستحق نہیں ہے۔
