لنڈی کوتل میں طورخم سرحدی گزرگاہ پانچویں روز بھی بند ہے اور تجارتی سرگرمیوں سمیت ہر قسم کی آمدورفت معطل ہے۔
سیکیورٹی ذرائع کے مطابق طورخم سرحد کی دونوں جانب ہزاروں گاڑیاں پھنسی ہوئی ہیں۔
تاجروں کا مطالبہ ہے کہ تازہ پھل اور سبزیوں سے لدی گاڑیوں کو بارڈر پار کرنے کی اجازت دی جائے۔
مزید پڑھیں: طورخم سرحد بند ہونے سے افغانستان پریشان، پاکستان نے اپنے تحفظات بتا دیئے
سیکورٹی ذرائع کے مطابق چیک پوسٹ کے قیام کے تنازعے پر پاک افغان فورسز کے درمیان پانچ روز قبل مسلح جھڑپ ہوئی تھی۔
افغان سیکورٹی ذرائع کے مطابق پانچ روز قبل ہونے والی فائرنگ میں دو افغان سیکیورٹی اہلکار ہلاک اور چار زخمی ہوئے تھے۔
دوطرفہ فائرنگ میں ایک ایف سی اہلکار بھی زخمی ہوا تھا۔
