کراچی میں کورنگی گلزار کالونی میں فائرنگ کے نتیجے میں ایک شخص جاں بحق ہوگیا۔
پولیس کا کہنا ہے کہ مقتول کی شناخت سعید کلہوڑو کے نام سے کی گئی۔
واقعہ کی تفصیلات بتاتے ہوئے پولیس کا کہنا تھا کہ مقتول لاڑکانہ سے تعلق رکھتا ہے اور اس نے پسند کی شادی کی تھی۔
پولیس کا کہنا ہے کہ لڑکی والدین کی مرضی کے بغیر شکار پور سے کراچی آگئی تھی۔
واقعہ کی تحقیقات کرتے ہوئے پولیس نے جائے وقوعہ سے نائن ایم ایم پستول کے دو خول برآمد کیے۔
پولیس کے مطابق دو موٹر سائیکل سوار چار ملزمان فائرنگ کرکے فرار ہوگئے۔
پولیس کا کہنا ہے کہ ایک ملزم کا تعلق لڑکی کی برادری سے نکلا ہے، مزید تفتیش جاری ہے۔
