کراچی : گزری پل پر بجلی اور پانی کی بندش کیخلاف مظاہرہ، اطراف میں ٹریفک جام
کراچی میں گزری اور پی اینڈ ٹی کالونی میں بجلی اور پانی کی بندش کیخلاف احتجاج کے دوران شہریوں کو بدترین ٹریفک جام کے عذاب کا سامنا ہے۔ ترجمان کے الیکٹرک کے مطابق گزری اور پی اینڈ ٹی کالونی کے نا دہندگان پر 56 کروڑ سے زائد کے واجبات ہیں۔
گزری اور پی اینڈ ٹی کالونی کے مکینوں نے گزری پل پر مظاہرہ کیا۔
شرکا نے سڑک پر رکاوٹیں رکھ کر احتجاج کیا۔
شہریوں نے بجلی کی بندش پر کے الیکٹرک کے خلاف نعرے بازی کی۔
مظاہرے کی وجہ سے اطراف کی سڑکوں پر ٹریفک جام ہوگیا۔
ٹریفک جام ہونے سے عوام کو سخت پریشانی کا سامنا کرنا پڑ رہا ہے۔
احتجاج کے باعث کلفٹن، بوٹ بیسن سڑک پر ٹریفک جام ہوگیا۔
کے الیکٹرک کی وضاحت
ترجمان کے الیکٹرک کے مطابق گزری اور پی اینڈ ٹی کالونی کے نا دہندگان پر 56 کروڑ سے زائد کے واجبات ہیں، لوڈشیڈنگ کا دورانیہ بجلی چوری اور نقصانات کی شرح پر منحصر ہے۔
یہ بھی پڑھیں :
ملک بھر میں بجلی چوروں کیخلاف بھرپور ایکشن، بڑے نام بھی نشانے پر
مسلم لیگ ن کی سابق رکن صوبائی اسمبلی بھی بجلی چوری میں ملوث نکلیں
کے الیکٹرک کے ترجمان نے مزید بتایا کہ لوڈشیڈنگ کا شیڈول کے الیکٹرک کی ویب سائٹ پر دیکھا جاسکتا ہے۔