رانی پور حویلی میں تشدد کے بعد قتل کی جانے والی 10 سالہ ملازمہ فاطمہ فرڑو کیس کے مرکزی ملزم اسد شاہ سمیت چاروں ملزمان کو جوڈیشل ریمانڈ پر جیل بھیج دیا گیا۔

کیس کا مرکزی ملزم اسد شاہ، فیاض شاہ، حناہ شاہ اور امتیاز میراسی کو سخت سکیورٹی میں انسداد دہشت گردی عدالت خیرپور میں پیش کیا گیا۔

پولیس کی جانب سے 14 روزہ جسمانی ریمانڈ کی استدعا کی گئی جسے عدالت نے مسترد کرتے ہوئے ملزمان کو 14 دن کے لئے جوڈیشل ریمانڈ پر جیل منتقل کرنے کا حکم دے دیا۔

عدالتی حکم کے بعد ملزم اسد شاہ سمیت تمام ملزمان کو سخت سکیورٹی میں جیل منتقل کردیا گیا۔