کراچی میں وفاقی اردو یونیورسٹی کے قائم مقام وائس چانسلر ڈاکٹر ضیاء الدین کو عہدے ہٹا دیا گیا، وفاقی وزیر تعلیم کے مطابق عہدے سے ہٹانے کا نوٹیفکیشن آج جاری کیا جائے گا۔
دوسری جانب ڈاکٹر روبینہ مشتاق کو وفاقی اردو یونیورسٹی کا قائم مقام وائس چانسلر مقرر کردیا گیا ہے، وفاقی وزارت تعلیم نے نئے قائم مقام وائس چانسلر کی تقرری کا نوٹیفکیشن جاری کردیا۔
اس حوالے سے وزارت تعلیم نے کہا کہ سینئر ترین پروفیسر کو قائم مقام وائس چانسلر لگایا جائے گا۔
ڈاکٹر ضیاء الدین سے متعلق وفاقی وزیر تعلیم کا مزید کہنا تھا کہ وفاقی اردو یونیورسٹی کے قائم مقام وائس چانسلر پینشن کے پیسے نہیں دے رہے تھے، وہ نئے ملازمین بھرتی کررہے تھے۔
