عدالت نے پولیس کی جانب سے اساتذہ کے 10 روزہ جسمانی ریمانڈ کی استدعا مسترد کرتے ہوئے تمام گرفتار اساتذہ کو رہا کرنے کا حکم دے دیا۔

گزشتہ روز لاہور کے سول سیکرٹریٹ کے باہر احتجاج کرنے والے 100 سے زائد اساتذہ کو گرفتار کیا گیا تھا، تھانہ اسلام پورہ پولیس نے گرفتار اساتذہ کو ضلع کچہری لاہور میں پیش کیا۔

جوڈیشل مجسٹریٹ عمران عابد نے پولیس کی درخواست پر سماعت کی، پولیس نے پولیس نے عدالت سے اساتذہ کے 10 روزہ جسمانی ریمانڈ کی استدعا کی۔

عدالت نے پولیس کی جانب سے اساتذہ کے 10 روزہ جسمانی ریمانڈ کی استدعا مسترد کردی، اور تمام گرفتار اساتذہ کو رہا کرنے کا حکم دے دیا۔ عدالت نے گرفتار اساتذہ کو مقدمے سے ڈسچارج کردیا۔