پشاور کے یکہ توت میں پولیس اور رہزنوں کے درمیان فائرنگ ہوئی جس میں ایک رہزن ہلاک جب کہ اس کے ساتھی کو زخمی حالت میں گرفتار کرلیا گیا۔

فائرنگ کی سی سی ٹی وی فویج وائرل ہوگئی جس میں رہزنوں اور اہلکاروں کو ایک دوسرے پر فائرکرتے دیکھا جاسکتا ہے۔

اس حوالے سے پولیس کا کہنا ہے کہ فائرنگ کے تبادلے میں ایک رہزن ہلاک جب کہ اس کے ساتھی کو زخمی حالت میں گرفتارکرلیا ہے۔

پولیس کے مطابق ہلاک ہونے والے رہزن کی جیب سے غیر ملکی سیٹیزن کارڈ برآمد ہوا ہے، ادھر رہزنوں کی فائرنگ سے زخمی پولیس اہلکار کو ایل ار ایچ اسپرال منتقل کردیا گیا۔