ملک میں ادویات کی رجسٹریشن اور ادویہ ساز کمپنیوں کے لائسنسنگ کا نظام آن لائن کردیا گیا۔

ترجمان وزارت صحت کے مطابق ڈریپ نے ادویات کی رجسٹریشن اور کمپنیوں کے لائسنسنگ کا نظام آن لائن کردیا ہے، اور وزیر صحت ڈاکٹر ندیم جان نے افتتاح کر دیا ہے۔

ترجمان وزارت صحت کے مطابق اب ادویہ سازکمپنیاں رجسٹریشن اور لائسنس کیلئے آن لائن درخواستیں جمع کرواسکیں گی۔

وزیرصحت ڈاکٹر ندیم جان کا کہنا تھا کہ ڈریپ کے اندر میرٹ اور شفافیت کی بنیاد رکھ دی ہے، ڈریپ کو جدید خطوط پر استوارکرنے کیلئے اقدامات کر رہے ہیں۔