علامہ اقبال ائر پورٹ لاہور کی پارکنگ میں کھڑی گاڑی کو لگنے والی آگ پر سول ایوی ایشن کی فائر فائٹنگ ٹیم نے آگ پر قابو پا لیا۔

واقعے کے بعد مسافروں اور گاڑیوں کے مالکان میں خوف وہراس پھیل گیا، آگ سے گاڑی جل کر راکھ ہوگئی جبکہ پاس کھڑی گاڑیاں محفوظ رہیں۔

سی اے اے حکام کا کہنا ہے کہ ابتدائی تحقیقات کے مطابق آگ شارٹ سرکٹ کی وجہ سے لگی، سول ایوی ایشن کی ویجیلینس ٹیم نے رپورٹ اعلی حکام کو بھیج دی ہے۔