لاہور ہائی کورٹ نے سرکاری اسپتالوں میں ینگ ڈاکٹرز کی ہڑتال کے خلاف درخواست پر پنجاب حکومت سے جواب طلب کرلیا۔

لاہور ہائی کورٹ کے جسٹس علی باقر نجفی نے محمد ذیشان کی سرکاری اسپتالوں میں ینگ ڈاکٹرز کی ہڑتال کے خلاف درخواست پر سماعت کی۔

عدالت نے پنجاب حکومت اور دیگر فریقین کو نوٹس جاری کرتے ہوئے جواب طلب اور متعلقہ اسپتالوں کے ایم ایس کو بھی رپورٹ پیش کرنے کا حکم دیا ہے۔

درخواستگزار کا کہنا تھا کہ مسلسل ہڑتال سے مریضوں اور لواحقین کو مشکلات کا سامنا کرنا پڑ رہا ہے، لہٰذا عدالت ینگ ڈاکٹرز کی ہڑتال ختم کرانے کے احکامات جاری کرے۔

لاہور ہائی کورٹ نے سرکاری اسپتالوں میں ینگ ڈاکٹرز کی ہڑتال کے خلاف درخواست پر سماعت 18 دسمبر تک ملتوی کردی۔