کراچی میں کینٹ ریلوے اسٹیشن پر بے ہوشی کی حالت میں ملنے والی ضعیف خاتون کے پاس لاکھوں روپے اور زیورات پائے گئے جبکہ معمر خاتون کو ورثا کے حوالے کردیا گیا۔
ضعیف خاتون کو ریلوے پولیس نے تحویل میں لیا۔ پولیس کا کہنا ہے کہ خاتون سے 15 لاکھ روپے، سونے کے زیورات ملے ہیں، خاتون کئی گھنٹوں سے پلیٹ فارم پر موجود تھی۔
ابتدائی طور پر پولیس نے بتایا کہ خاتون سمیت 3 افراد نے پولیس سے رابطہ کیا، کینٹ اسٹیشن آنے والے متعلقہ افراد نے ضعیف خاتون کو اپنی والدہ ظاہر کیا ہے۔
ریلوے پولیس حکام کا کہنا ہے کہ خاتون پاکستان ایکسپریس کے ذریعے پنجاب سے کراچی پہنچی، واقعہ کی مزید تفتیش جاری ہے۔
کراچی میں کینٹ ریلوے اسٹیشن سے ملنے والے معمر خاتون کو ورثا کے حوالے کردیا گیا جبکہ معمر خاتون بچوں کو بغیر بتا پنجاب سے کراچی پہنچی تھی۔
ریلوے پولیس کے مطابق خاتون کے سامان میں پرچی پر ایک ٹیلی فون نمبر بھی ملا، فون نمبر بزرگ خاتون کے بیٹے کا تھا، پولیس نے بزرگ خاتون کے ورثہ کو فون پر اطلاع دی، بیٹے کو معلوم نہیں تھاکہ والدہ کراچی آرہی ہیں، خاتون کو پولیس نے باعزت بیٹوں کے حوالے کردیا۔
پولیس کا کہنا ہے کہ بیٹے اپنی ماں کوعلاج کے لیے اپنے ساتھ اسپتال لے گئے، خاتون سے ملنے والی رقم اور زیورات عدالت میں پیش کیے جائیں گے، معمر خاتون سے 15 لاکھ روپے اور زیورات برآمد ہوئے تھے ۔
