الیکشن تو 8 فروری کو ہوں گے تاہم سرکاری ملازمین نے ابھی سے سیاسی وابستگیاں ظاہر کرنا شروع کردی ہیں، اوکاڑہ میں پاکستان مسلم لیگ (ن) کے قائد میاں نواز شریف کی سالگرہ کی تقریب کا کیک کاٹا گیا۔

اوکاڑہ میں قائد مسلم لیگ (ن) نوازشریف کی 74 ویں سالگرہ کی تقریب منقعد ہوئی، جہاں نواز شریف کی سالگرہ کی تقریب کا کیک کاٹا گیا۔

ڈی ایس پی سٹی سرکل مہر یوسف نے سیاسی پروگرام میں خصوصی طور پر شرکت کی، نواز شریف کی سالگرہ کا کیک ڈی ایس پی سٹی سرکل مہر یوسف نے خود کاٹا۔

ڈی ایس پی سٹی سرکل مہر یوسف نے سیاسی پروگرام میں وردی پہن کر نہ صرف شرکت کی بلکہ سالگرہ کا کیک بھی خود کاٹا، سیاسی پروگرام میں ڈی ایس پی سٹی کی شرکت پر سوالات اٹھنے لگے۔

تقریب میں ڈی ایس پی سٹی نے یونیفارم میں شرکت کرکے سیاسی جماعت کے ساتھ وابستگی کا کھلم کھلا اظہارکردیا۔

سول سوسائٹی کی جانب سے ڈی ایس پی سٹی کی شرکت پرنوٹس لینے کا مطالبہ کیا گیا ہے۔