سیکریٹری اسکول ایجوکیشن سندھ ڈاکٹر شیرین مصطفیٰ ناریجو نے کہا ہے کہ سندھ میں اسکول یکم جنوری کو ہی کھلیں گے۔
سیکریٹری تعلیم سندھ نے موسم سرما کی تعطیلات میں اضافہ کے حوالے سوشل میڈیا پر چلنے والے نوٹیفکیشن سے متعلق وضاحت دی ہے۔
ڈاکٹر شیرین مصطفیٰ ناریجو نے موسم سرما کی چھٹیوں کے حوالے سے چلنے والے نوٹیفکیشن کو جعلی قرار دیا ہے۔
ان کا کہنا ہے کہ سندھ میں اسکول یکم جنوری کو ہی کھلیں گے، والدین اور طالب علم فیک نوٹیفکیشن پر دھیان نہ دیں، تعطیلات میں اضافے کا نوٹیفکیشن جاری نہیں کیا گیا۔
