سی ای او ریلوے عامر بلوچ کا کہنا ہے کہ پاکستان ریلوے نے 6 ماہ کے دوران 41 ارب روپے کمائے ہیں، گزشتہ برس اسی عرصے میں یہ کمائی 28 ارب روپے تھی۔

مالی سال 2023-24 کی پہلی ششماہی میں پاکستان ریلوے کی تاریخ ساز آمدن ہوئی ہے اور سی ای او ریلوے عامر بلوچ کے مطابق ریلوے نے چھ ماہ کے دوران 41 ارب روپے کما لیے ہیں، گزشتہ سال یہ آمدن 28 ارب تھی۔

سی ای او ریلوے کا کہنا تھا کہ پورے سال کا ہدف 11 ماہ میں ہی حاصل کرلیں گے، ایم ایل ون کے آغاز سے معاملات مزید بہتر ہو جائیں گے۔

سی ای او نے کہا کہ تنخواہوں میں تاخیر میں بھی کمی ہوئی ہے، ادائیگی کو اپنے وقت پر لے آئیں گے، اس سال سروسز میں مزید بہتری لائیں گے، سفری سہولیات میں بھی اضافہ کریں گے۔