ہرسال کی طرح اس سال بھی خان پور کے جنگلات میں آگ لگنے کا سلسلہ نہ رک سکا۔
خیبر پختونخوا کے ضلع ہری پور کے علاقے خان پور کے پہاڑوں پر خوفناک آگ لگی ہوئی ہے، جس سے قیمتی درخت جل گئے ہیں۔
جنگلات میں لگی آگ آبادی کی طرف بڑھنے لگی ہے، فائربریگیڈ کی گاڑیاں آگ پر قابو پانے میں مصروف ہیں۔
یہ پہلا موقع نہیں ہے کہ خان پور کے جنگلات میں آگ لگی ہو، گزشتہ سال بھی اس علاقے میں لگنے والی آگ نے جنگلات اور جنگلی حیات کو شدید نقصان پہنچایا تھا۔
