محکمہ تعلیم میں ٹیچنگ و نان ٹیچنگ اسٹاف کی بڑے پیمانے پر ترقیوں کی شکایات پر نگراں وزیراعلیٰ سندھ مقبول باقر نے محکمے میں غیر قانونی ترقیاں روکنے کا حکم دیتے ہوئے انکوائری رپورٹ طلب کرلی ہے۔
نگراں وزیراعلیٰ سندھ کا کہنا ہے کہ نگراں حکومت میں بڑے پیمانے پر ترقیاں ہوئیں، بیشتر ترقیوں میں اقربا پروری ہوئی اور سینیارٹی کی خلاف ورزی کی گئی۔
نگراں وزیراعلیٰ نے شکایات پر تمام غیرقانونی ترقیاں روکنے کا حکم دیتے ہوئے سیکریٹری اسکول ایجوکیشن کو انکوائری رپورٹ دینے کا حکم دے دیا۔
