الیکشن کمیشن آف پاکستان (ای سی پی) نے قومی اسمبلی سے سندھ کی خواتین کی 2 مخصوص نشستوں کا نوٹیفکیشن جاری کر دیا۔

نوٹیفکیشن کے مطابق قومی اسمبلی سے سندھ کی خواتین کی 2 نشستیں پیپلزپارٹی کو الاٹ کردی گئی ہیں، الیکشن کمیشن نے پیپلزپارٹی کی شرمیلا فاروقی اور مدثر سحر کامران کی کامیابی کا نوٹیفکیشن جاری کیا۔

شازیہ مری اور نفیسہ شاہ نے جنرل نشستوں پر کامیابی کے باعث مخصوص فہرست سے نام ہٹایا تھا۔

دوسری جانب الیکشن کمیشن نے پی پی 297 راجن پور سے آزاد امیدوار خضر حیات مزاری کی کامیابی کا نوٹیفکیشن بھی جاری کر دیا۔

خضر حیات مزاری نے39 ہزار 532 ووٹ حاصل کئے جبکہ مسلم لیگ ن کے سردار دوست محمد خان نے 31 ہزار 731 ووٹ حاصل کیے تھے۔