پاکستان مسلم لیگ (ن) کی رکن قومی اسمبلی عظمٰی کاردار کے زیورات چوری ہو گئے، پولیس نے واقعے کا مقدمہ درج کرلیا۔

مسلم لیگ ن کی رکن صوبائی اسمبلی عظمی کاردار کے زیورات چوری ہونے کا واقعہ ماڈل ٹاؤن کے علاقے میں موجود ایک کلب میں پیش آیا، جہاں عظمی کاردارکلب میں سوئمنگ کررہی تھیں۔

اس دوران کسی نے ان کے پرس سے 4 سے 5 لاکھ روپے مالیت کے طلائی زیورات چرا لیے۔

عظمیٰ کاردار نے کلب کی دو انسٹرکٹر اور ملازمین پر شبہ ظاہر کیا ہے کہ ان سے تفتیش کی جائے جبکہ پولیس نے مقدمہ درج کرکے تفتیش شروع کردی۔