کراچی میں دو مختلف پولیس مقابلوں میں ایک ملزم ہلاک اور ایک راہ گیر زخمی ہوگیا۔ جب کہ مجموعی طور پر 4 ملزمان گرفتار کرلیے گئے۔

گلشن معمار کےعلاقے جنجال گوٹھ میں مبینہ پولیس مقابلے میں ایک ملزم ہلاک اور ایک راہگیر زخمی ہوا۔

مقابلے کے دوران ایک ملزم کو گرفتار بھی کیا گیا۔

دوسری جانب موچکو بروہی گوٹھ کے قریب اے وی سی سی مبینہ پولیس مقابلے میں دوطرفہ فائرنگ کے دوران دو زخمی سمیت تین ملزمان کو گرفتار کر لیا گیا۔

ملزمان سے اسلحہ، موٹرسائیکل اور مسروقہ سامان برآمد کرلیا گیا۔