کراچی کے علاقے گلشن معمار میں بینک سے نکلنے والوں پر ڈاکوؤں نے فائرنگ کردی، جس کے نتیجے میں ایک شخص جاں بحق ہوگیا۔

تفصیلات کے مطابق کراچی کے علاقے گلشن معمار میں فائرنگ کا واقعہ پیش آیا، جہاں ڈکیتی مزاحمت پر ڈاکوؤں نے گاڑی پر فائرنگ کردی، فائرنگ سے ایک شخص زخمی ہوگیا، جو دوران علاج دم توڑ گیا، فائرنگ سے 40 سالہ امجد جاں بحق اور 40 سالہ امان اللہ زخمی ہوئے۔

گاڑی میں سوار افراد بینک سے رقم لے کر نکلے تھے جبکہ واقعے کے عینی شاہد کا بیان آج نیوز نے حاصل کرلیا۔

عینی شاہد نے بتایا کہ 2 افراد کار پر جارہے تھے، موٹرسائیکل سوار ملزمان نے گاڑی پر فائرنگ کی، ایک ملزم نے ماسک اور دوسرے نے ہیلمٹ لگایا ہوا تھا، کار سوار ایک شخص کلمہ پڑ رہا تھا۔