کراچی میں بلدیہ ٹاؤن 9 نمبر کباڑی چوک کے قریب بیکری میں گیس لیکیج کے باعث دھماکا ہوگیا، جس کے نتیجے میں والد اور دو بیٹے جھلس کر شدید زخمی ہوگئے۔

بیکری ملازم کا کہنا ہے کہ واقعہ گیس لیکیج کے باعث پیش آیا، بیکری میں سلینڈر بھی موجود تھے۔

ورکر کا مزید کہنا تھا کہ صبح 6 بجے ایک ملازم نے آگ جلانے کی کوشش کی تو بیکری کے ایک حصہ میں اچانک آگ بھڑ اٹھی۔

ریسکیو حکام کے مطابق زخمی ہونے والے افراد کو سول اسپتال کے برنس وارڈ منتقل کیا گیا۔

ریسکیو حکام کا کہنا ہے کہ زخمی ہونے والے افراد کی شناخت 30 سالہ علی، 24 سالہ رحیم اور 75 سالہ ریاض کے ناموں سے کی گئی۔